Hvernig geta fyrirtæki einfaldað úrvinnslu starfsumsókna og borið umsækjendur saman á auðveldan hátt?
Applicon Umsóknarvefur
Með Applicon Umsóknarvef berast allar starfsumsóknir sem sendar eru inn af heimasíðu fyrirtækis beint inn í ráðningarhluta Applicon Mannauðs. Í ráðningarhlutanum geta ráðningarfulltrúar unnið með umsóknirnar og borið umsækjendur saman eftir ýmsum skilyrðum. Þegar ákveðið hefur verið hvern skal ráða er einfalt að flytja viðkomandi yfir í starfsmannahluta kerfisins, án þess að slá þurfi upplýsingarnar inn aftur, og senda höfnunarbréf til þeirra sem ekki voru ráðnir.
Umsóknarvefurinn er til á íslensku, ensku og dönsku.
Helstu eiginleikar:
- Umsóknir sem fylltar eru út á heimasíðu fyrirtækis vistast niður í ráðningarhluta Applicon Mannauðs.
- Umsækjendur geta skráð sig aftur inn á vefinn, sótt um fleiri lausar stöður og/eða viðhaldið þeim upplýsingum sem þeir hafa þegar sent inn.
- Einfaldur samanburður á umsækjendum í umsækjendaskýrslu.
- Auðvelt að senda viðhengi, s.s. starfsferilskrá og prófskírteini til umsagnar á aðra aðila eins og yfirmenn.
- Flutningur á umsækjanda sem ráðinn er yfir í starfsmannahluta kerfisins.
- Útsending höfnunarbréfa.
Helsti ávinningur:
- Ekki þarf að handskrá upplýsingar þar sem þær upplýsingar sem umsækjandi slær inn á vefnum skrást beint í ráðningarhlutann og flytjast þaðan yfir í starfsmannahlutann ef umsækjandi er ráðinn.
- Samanburður umsækjenda er einfaldur með aðgengilegum skýrslum.
- Einfalt ráðningar- og höfnunarferli.
- Gott utanumhald er um sögu gagna.
- Öflugar aðgangsstýringar gera það að verkum að hægt er að hafa mismunandi aðgangsheimildir fyrir yfirmenn, ráðningarfulltrúa og aðra.
