23.03.2007
Á hverju ári stendur SAP fyrir notendaráðstefnu undir heitinu SAPPHIRE. Verður ráðstefnan að þessu sinni haldin á tveimur stöðum, í Atlanta 22. – 25. apríl og í Vínarborg 14. - 16. maí.
Á SAPPHIRE ráðstefnunni er leitast við að miðla upplýsingum til notenda um það sem er að gerast í SAP heiminum. Viðskiptavinum er boðið að taka þátt í þróun, koma hugmyndum sínum á framfæri og gefinn kostur á að hitta aðra viðskiptavini, ásamt helstu sérfræðingum í SAP.
Sem umboðsaðili SAP á Íslandi leggur AppliCon áherslu á að aðstoða viðskiptavini sína og annað áhugafólk um SAP, við að nýta tímann sem best á SAPPHIRE. AppliCon mun standa fyrir hópferð til Vínarborgar og aðstoða viðskiptavini sína með bókun á ferðum, skráningu á ráðstefnu og skipulagningu á dagskrá, svo fátt eitt sé nefnt.
-------------------------------------------------------------------------------------------------------------------------------------------------------------------
Nánari upplýsingar og aðstoð við skipulagningu SAPPHIRE-ferðar veitir Tinna Björk Hjartardóttir, tbh@applicon.is
